Qezaya Bismilî ya Amedî de, ciwano 24 serre yo ke nameyê ey Mehmet Yüksel o, seba ke embazêkê xo yê Batmanî reyde bêro têhet, keyeyê xo ra şi û 5 rojan ra nata ey ra xebere nêna girewtiş. Xebata gêrayîşî ya ekîban dewam kena
Mehmet Yüksel o ke Qezaya Bismilî, Taxa Dehleyî Kazancî, mezraya Aydınlarî de ciwîyeno, seba ke embazêkê xo yê Batmanî reyde pêvînayîş bikero 5 rojî verî keyeyê x ora şi. La ciwanî ra a roje ra nata xebere nêameya girewtiş. Merdimê ey, Fermandarîya Cendirmeyan a Qezaya Bismilî rê semede vînayîşê ey muracat kerd.
Seba ke şêro Batmanî keye ra vejîya
Ekîbê cendirmeyan xebata gêrayîşî rê dewam kenê. Ekîbî mintiqa de qeydanê kamerayan test kenê ke şopana Mehmet Yukselî bivînê.
Merdimê Mehmet Yukselî, rîca kene ke kesê ke ey dîyo yan zî ca zanê, wa numreya cêrêne reyde têkîlî ronê.
0535 216 32 88
