ZAZAKÎ NEWS - Qezaya Çewlîgî Dara Hênî de, operasyono ke hetê ekîbanê cendirmeyan ra virazîya de, tede 17 hezar û 245 kokê kenevîrê kirkirikî û skunkî ameyî vînayîş û dest nîya ser. Ame vatiş ke derheqê hedîseyî de cigêrayîş dîyayo destpêkerdiş.
Goreyê eşkerayîya ke walîtîye ra amey dayîş, ekîbanê Fermandarîya Cendirmeyan a Wîlayetî, mîyanê 24-25ê Hezîrane de, seba ke verê viraştiş û bazirganîya materyalanê hişkeran û ronayîşê înan o nêqanûnîye bigîrê, operasyon viraşt.
Xebatanê ke erdê qeza de ameyî kerdiş, netîce de 9 cayanê cîyayan de, 9 hezar û 300 kokê skunkî û 7 hezar û 945 kokê kenevîrê Hîntî ameyî tepiştiş.
Goreyê xebera Ajansa Anadolî, bi emrê serdozgerê komare, derheqê mesele de cigêrayîşo qanûnî ameyo destpêkerdene.