ZAZAKÎ NEWS - Qezaya Merkezefendî ya Denîzlî de, yew polîsî dima ke bi demançe cinîya xo û di tutê xo kiştî, xo zî kişt. Hedîse de pêro pîya 4 kesî merdî.
Hedîse, mehelaya Karamanî ya qezaya Merkezefendî de, kuçeyê 1731. de, qata yewine ya yew awanîya çar qatine de ame meydan.
Wexto ke şêlikê awanîye vengê çekan eşnawit, xebere da polîsan.
Wexto ke ekîbî resayî cayê hedîseyî, rastê cenazeyanê Coşkun S.yî (35), cinîya ey Nazli S. û tutê înan Yagizî (7) û Duru S.ye (2) ameyî.
Goreyê cigêrayîşê verênî, polîs Coşkun S. dima ke cinîya xo û tutê xo bi demançe kiştî, bi eynî demançe xo zî kişt.
Ekîban cenazeyî seba otopsî berdî Meyîtxaneyê Sazîya Tibê Edlî ya Denîzlî.
Ame zanayîş ke Coşkun S. qezaya Cizîrî ya Şirnexî de polîs bi û çend rojî verî seba tetîlê serrane amebi Denîzlî û bi keyeyê xo reyde keyeyê vistewreyê xo de mendêne.
Derheqê hediseyî de tehqîqat ame destpêkerdene.
Çime: İHA
