ZAZAKÎ NEWS – Federasyonê Futbolî yê Tirkîya (TFF) o slogan bi hawayêko fermî tesdîq kerd. Amedspor, tarîxê futbolî yê Tirkîya de gameka muhîme eşte.
Taximî hefteyo verên şîrketê Tezgel Komî reyde pîyameyîşê sponsorî îmza kerdbi. Amedsporî, çarçeweya pîyameyîşî de, maçê Pendîksporî de sîneyê formaya xo ser o logoya sponsorê neweyî ca kerde. Binê logoyî de zî sloganê Kurdkî “Koma Ma Bona We” ca girewt.
Performansê sezonî
Amedsporo ke bi antrenorîya Mehmet Altiparmakî de micadele keno, destpêkê sezonî de vera Çorum FKyî de 2-0 mexlub bibi. Dima ra taximî Erzurumsporî reyde 2-2 pîyakî mend û bade cû bi serkewtişanê vera Sêwassporî (4-2), Adana Demîrsporî (8-1) û Pendîksporî (2-1) rayîrê xo ra şono.
Amedspor, maçan de bi 10 pûanan lîge de rêza 4. de ca gêno.
