ZAZAKÎ NEWS - Sebebê zêdebîyayîşê germê zêdeyî ra, nêzdîyê 100 esnafê Amedî qerar dayê ke 2 rojî dikananê xo bigîrê.
Tirkiya û Vakurê Kurdîstanî de germîye rekoran şiknena, esnafê qezaya Sûrî ya Amedî germî ve nêeşkenê dikananê xo akerê. Nêzdîyê 100 zerrnroş û esnafê bînî qerar dayê ke sebebê germîya zêde dikananê xo anêkerê.
Serekê Zerrngeranê Caddeyê Gazî yê Sûrî Ozer Sanalî derheqê mesela de va:
“Seba ke esnafê ma hîna zaf zerar nêvînê û sebebê berzbîyayîşê germîye ra, ma qerar daye ke ma nê di rojan dikananê xo anêkerê.”
Hîrê rojî yo Amed de germîyêka zaf zêde esta. Mîyanê rojî de dereceya germî vejîyena 49 dereceyan. Pisporî welatîyan hişyar kenê û vanê, eke îcab nêkeno, keyeyanê xo ra mevejîyêne teber.
Derceya germîye Riha, Dîlok, Mêrdîn, Semsûr, Mereş, Êlih, Sêrt, Şirnex, Xarpêt, Dêrsim û Meletîye yê Vakurê Kurdîstanî girewtê binê tesîrê xo û yeno pawitene ke ewro dereceya germayîye mabênê 47-50 dereceyan de bo.
