ZAZAKÎ NEWS - Şampîyonê Giransîkletî yê Asya yê WBCyî Umut Çamkıran, maçê pawitişê unvanî de o ke Dêrsim de Stadyumê Ataturkî de virazîya, reqîbê xo yo Makedon Todorche Cvetkovî bi nakawt mexlub kerd. Çamkıranî ke sey "Şêrê Anatolîya" şinasîyeno, verê nêzdîyê 10.000 temaşevanan de bi serkewtîşêko pîl kemerê xo pawit.
Çamkıran ke karîyerê xo yê profesyonelî de heta nika mexlub nêbîyo, bi nê serkewtişî vejîya maçê xo yê 23. û 21ê înan bi nakawt qezenc kerd.
Cvetkov, herçiqas ke karîyerê xo de 13 rey ser kewtbi û 10ê înan bi nakawt bî, vera pirodayîşanê pêtan ê Çamkıranî de nêeşka vindero.
Seba Çamkıranî, no maç seba ke welatê ey Dêrsim de maçê ey o yewin bi, manayêka pîle îfade kerdêne. Maç, kanalê HT Sporî de weşanîya û teberê Tirkiya de welatanê sey Fînlandîya, Lîtvanya, Estonya, Letonya, Almanya, Slovakya, Polonya, Îngilîstan, QQTKyî (KKTC) û Îspanya de zî hetê xeylê kesan ra ame teqîbkerdiş.
Çamkıranî, dima ke maç qedîya, eşkerayîyêk da û va, "Welatê mi de bi yew paştîdayîşêko henî pîl, vejîyayîşê rîngî hîsêko bêmisal o. Hedefê mi şampîyonîya dinya ya û ez no rayîr de bi gamanê baweran aver şona."
