ZAZAKÎ NEWS – Weçînayîşê herêmîyan ê ke Almanya de ameyî viraştene de, nameyo ke Köln de serkewt Bêrîvan Aymaz a Çolîgije bîye. Namzeda Partîya Keskan Aymaze, reyan ra %27,6 girewt û rêza yewine de ca girewt.
Weçînayîşê herêmîyan ê ke eyaletê tewr girdî yê Almanya Eyaletê Renê Zımeyî-Vestfalya (KRV) de ameyî viraştene de, nezdîyê 14 mîlyon weçînitioxî şîyî serê sindoqan. Seba Serekîya Beledîyaya Bajarê Girdî ya Kölnî reyan ra %90 ameyî dayene.
Aymaze bi ferqêko eşkera aver de ya
Namzeda Partîya Keskan Bêrîvan Aymaz, a ke kêneka yew keyeyê Çolîgijî ya, bi %27,6 weçînayîş aver temam kerd. Namzedê SPDyî Torsten Burmester bi %21,6 diyîn, namzedê CDUyî Markus Greitemann zî bi %19,2 rêza hîrêyîne de ca girewt.
Rayîrê turê diyînî
Kêneka yew keyeyê Çolîgij
Bêrîvan Aymaz, a ke kêneka yew familyaya Çolîgije ya, koç kerda Almanya, sîyaset de bi serran o rolêko aktîf girewta xo ser. Aymaz, ke sey Hetkara Sereka Parlamentoyê Eyaletê Renê Zımeyî-Vestfalya wezîfe kena, zaf nêzdî ya ke biba sereka beledîyaya Kölnî ya cinîya yewine û ya ke kokê ci koçber o.
