Qezaya Dinarî ya Afyonkarahisarî de qezayêka girane qewimîya.
Goreyê melumatî, otobusê fîrmaya "Elazığ Murat Turizm" (Murat Turîzmê Xarpêtî) ke şofêr û plakaya ci hema nêzanîya, nêzdîyê nehîyeya Tatarlı de kontrol ra vejîya û perra şarampol.
Qeza de 2 raywanî merdî, 21 kesî zî birîndar bîy.
Girewtişê xebere ser o, ekîbê weşîye, cenderme û îtfaye şîy cayê hedîse. Birîndarî bi ambûlansan amey berdene bi nêweşxaneyanê Afyonkarahisarî.
Ame zanayîş ke derheqê qeza de cigêrayîş ame destpêkerdiş.
