Bi merdişê Eymen Mîrza Coşkunî ra pîya, hûmara kesanê ke na qeza de merdî resa çar kesan.
Rayîrê Mereş û Semsûrî ser o, nêzdîyê nehîyeya Belorenî de yew qeza qewimîya.
4 ferdê yew keyeyî merdî
Otomobîlo ke Veysel Coşkunî (45) ramitêne û otomobîlo ke Serkan S.yî (27) ramitêne, dayî yewbînan ro.
Na qeza de her di şoforî û Aysel Coşkune (39), Muhammed Burak Coşkun (14), Emîr Mîrza Coşkun (12), Eymen Mîrza Coşkun (8), Denîz Yaren Coşkun (1) û Buse K.ye (24) birîndar bîyî.
Birîndarî bi ambulansan wedarîyay nêweşxaneyanê Semsûr û Mereşî.
Nêweşxane de, birîndaran ra Aysel Coşkune û gedeyê aye Muhammed Burak Coşkun û Denîz Yaren Coşkune weşîya xo kerd vîndî.
