Rojnameger Dîlan Karamane 11ê Teşrîna Peyêne ra nata nêweşxaneyêkê Amedî de beşa nêweşanê giran de amêne tedawîkerdiş. Karamane vizêr 27ê Teşrîna Peyêne 2025 de Amed de merd.
Karamane ke nuştoxa Kovara Jinî bîye, warê têkoşînê Kurdan û cinîyan de xebatê xo yê sîyasîyî domnayêne û bi hawayêko aktîf xebitîyêne.
Sere de ame vatene ke Dîlan Karamane krîzê zerrî (qelbî) vîyarno û a rid ra merda. Labelê dima ame îdîakerdiş ke Karamane teşebusê xokiştişî kerda. Derheqê babete de Merkezê Heqanê Cinîyan ê Baroya Amedî eşkerayîye da û îzahr kerd ke ê do prosesî teqîb bikerê.
