ZAZAKÎ NEWS – Hetê UKOME yê Şaredarîya Pîle ya Amedî ra kombîyayîş ame viraştene. Temsîlkarê kooperatîfanê otobusanê şarî, kooperatîfanê mînîbusan û taksîyanê tîcarîyan kombîyayîş de ca girewt.
Kombîyayîş de seba wesayîtan qerarê zamî ame girewtiş. Amedijî do meşte ra nat (tepîya) zereyê bajarî de bi zamê se ra 40 heta 45 rayîrwanîya xo bikerê.
Goreyê pêkerdişî tarîfeyo newe wina yo:
Taksîyî: Taksîyan de heqê mesafeyê kilmî (şîyayîş-ameyiş / indi-bindi) 115 lîra ra ame berzkerdiş bi 165 lîrayî.
Mînîbusî: Mînîbusan de ucretê rayîrwanê tamî 25 lîra ra vejîya 35 lîra. Seba wendekaran zî sey 25 lîra ame bewlîkerdiş.
Otobusê Şaredarîye: Wesayîtanê komresayîşî yê Şaredarîya Pîle (otobusan) de heqê şîyayîşî yo ke 20 lîra bi, ame vetene 28 lîra. Heqê wendekaran zî 10 lîra ra vejîya 14 lîra.
