ZAZAKÎ NEWS - Çimeyê Munzurî yo ke qezaya Pulurî de yo, wextê peynîya hewteyî de zaf qelebalîx bi. No cayo ke nêzdîyê 20 ra zafêr çimeyan ra virazîyîyo, pê awe xo ya honike û tebîatê xo yo bêemsal eleqeyê gêrayoxan anceno. Bi zêdebîyayîşê germê hewayî hûmara zîyaretgeran zî zêde bi. Kesê ke şinê uca hem xo honik kenê hem zî mîyanê tebîatî de wextêko weş vîyarnenê.
Tewr zaf zî Çemê Halborî pê awe xo ya sey cemedî bala nê kesan anceno xo ser. Esnafê herêma û zîyaretgeran da zanayîş ke bi destpêkerdişê wextê amnanî reyde qelebalîxî zêde bîya û îfade kerd pawitîşê Munzurî zaf muhîm o.
Aysun Çetin Kılıça ke her serre yena Çimeyanê Munzurî vînena îna va,: "Ma Xarpêt ra semedê vînayîşê Çemê Munzurî ameyî îta. Hewa nika her ca de zaf germ la labelê noca honik û weş o. Ez her serre 1-2 rey yenê tîya. Seba tûrizmî zaf cayêko rind a. Awe çimeyan goreyê parî zêde ya. Ma her kesî rê tewsîye kenê."
Vîst hêniyan ra awe yena... Çimeyê Munzurî seba ma bimbarek ê pic.twitter.com/dFR3Yukjjz
— Zazakî News (@zazaki_news) June 22, 2026
