Amedspor Îstanbul ra bi hêrê pûanan agêra

ZAZAKÎ NEWS - Hefteyo 30. yê Lîga 1. ya Trendyolî de Amedspor, deplasmanê Stenbolî de bi Îstanbulsporî reyde ame têver.

Musabeqaya ke Stadyumê Necmî Kadiogluyî yê Esenyurtî de amey kaykerdene de, Amedsporî 4 golî eştî reqîbê xo.

Amedsporî deqîqeya 34. ya musabeqe de bi golê Felix Afena Gianî û deqîqeya 39. de zî bi golê Mbaye Diagneyî, nêmeyê yewinî 2-0 vernî de qedîna.

Destpêkê nêmeyê diyinî de Mehmet Yeşîlî gola 3. ya taximê xo eşt. Deqîqeya 89. de zî Diagneyî gol eşt û skor kerd 4-0.

Ekîba keske û sure, nê deplasmanê zorî ra bi 3 puanan agêra û rayîrê şampîyonîye de serkewtişêko muhîm bi dest vist.

Amedspor o ke puanê xo vet 61î û lîge de cayê xo yê rêza 3. pawit, do hefteyo bîn sehaya xo de bi Manîsa FKyî reyde bêro têver.