Mektebê Verênî yê Dewa Nêrîba Topalan ke giredayeyê qezaya Hêni ya, uca de hedîseyê jahrkewtişî qewimîya. Mektebo ke tede 130 wendekarî estê, tewr tay 70ê înan nêweş kewtî.
Goreyê melumatî, wendekaranê Mektebê Verênî û Mîyanênî yê Laboyûnî, dima ke werdê nêmerojî de kufteyî, şîranî û meqerna werdî, demêk ra tepîya rewşa înan xirab bîye.
Wendekarê ke zerra înan qelewya hetê keyeyanê xo ra ameyî berdene Nêweşxaneyê Dewlete yê Hêni.
"Werd de kufte û meqerna estbîy"
Babîyê yew wendekarî Mehmet Zekî Alverogluyî derheqê hedîseyî de wina va: "Wendekarê ma şinê Mektebê Nêrîba Topalan. Seba werdê ke uca werdê, nêweş kewtî. Werd de kufte, şîranî û meqerna estbîy. Ma înan ard Nêweşxaneyê Hêni."
