ZAZAKÎ NEWS - Nuştox û Cigêrayox Bîlal Zîlanî, bi kitabê xo yê bi nameyê "Di Kitabê Muhemmedê Şêx Ensarî: 'RARO RAŞT' Û 'MEʿLÛMATÊ DÎNÎYE'", di eserê girîngî yê Kirmanckî/Zazakî vetî roşna. Nê kitabê ke serra 1947-48 de hetê Muhemmedê Şêx Ensarî ra ameyê nuştene, reya verêne ya ke bi hawayêko akademîk yenê weşanayene.
Xebata Bîlal Zîlanî, ke hetê Weşanxaneyê Vateyî ra serra 2017î de ameye çapkerdene, 240 rîpelan ra yena pê.
Kitab, eseranê menzûman (manzum) ê Muhemmedê Şêx Ensarî ser o yo. Nê eserê ke hetanî ewro tena sey destnuşteyan mendê û zaf nêameyêne zanayene, nika bi na xebate resayê destê wendoxan.
Goreyê Zîlanî, nê eserî hetê kronolojîkî ra Kirmanckî/Zazakî de kitabê hîrêyin ê, la wareyanê xo de kitabê yewin ê ke bi nê ziwanî ameyê nuştene.
Na zebate çi îfade kena?
Beşê yewinî de; kurdkî de û ziwananê bînan de eseranê eqaîd û fiqihîyanê menzûman ra behs beno. Beşê dîyinî de heyatê Muhemmedê Şêx Ensarî ra behs beno û eserê ey dîyenê şinasnayene. Beşê hîrêyinî de hetê şekilî û huneranê edebî ra metnê kitaban tehlîl beno. Beşê çarinî de zî metne kitaban bi ûsulê tenqîdî transkrîbe bîyê.
Bi na xebate, di eserê muhîmî yê mîrasê kultur û edebîyatê Zazakî, vîndîbîyayîşî ra xelisîyenê û qadanê akademîk û edebî de cayê xo gênê.
