ZAZAKÎ NEWS - Aktîvîsto Lubnanij George Abdullah, o ke 41 serrî Fransa de tepişte bi, ame veradayîş û agêra welatê xo. George Abdullah, bi sûcdarîya kiştişê 2 dîplomatanê Amerîka û Îsraîlî amebi tepiştiş.
Goreyê Ajansê Xeberan o Fermî yê Lubnanî (NNA), George Abdullah o 74 serre, ke paştgirê dewaya Fîlîstînî yo, bi teyarayêka Air Franceyî resa firgehê Mîyanneteweyî yê Refîq Herîrî yê Beyrûtî.
Bi desan Lubnanijî seba ey şîyê firgeh. Abdullahî, salonê rûmetî yê firgehî de rojnamegeran rê qisey kerd û va:
“Ma her tim vera şehîdanê xoverdayîşî milê xo çewt kerd, ê bingeyê her tewir fikrê azadîye yê.”
“Ewro rojêka neteweyî ya”
Sekreterê Pêroyî yê Partîya Komunîste ya Lubnanî Hanna Garîbî zî qiseykerdişê xo de na roje sey “rojêka neteweyî” name kerd.
George Abdullah Kam o?
George Abdullah, serra 1984î de hetê rayedaranê Fransa ra bi sûcdarîya kiştişê dîplomatê Îsraîlî Yacov Barsimantovî û ataşeyê leşkerî yê Amerîka Charles Robert Rayî yo ke Parîs de serra 1982yan de ame kiştene û bi sûcdarîyanê sextekarîye û xo ser o berdişê çekan amebi tepiştiş.
Abdullahî rê serra 1987î de cezaya hepisî ya hetanî peynîye amebî dayîş. Dadgeha Temyîzî ya Parîsî, 17ê Temmuze de bira veradayîşê Abdullahî dabî.
