Îran de bîlançoya 2025î: 110 cinîyî ameyî qetilkerdiş

Rêxistina Heqanê Merdiman a Herana (HRANA), bîlançoya şîdetê vera cinîyan a yew serre eşkera kerde.

Goreyê raporî, mabênê 25ê Teşrîna Peyêne 2024 û 25ê Teşrîna Peyêne 2025î de Îran de tewr tay 110 cinîyî ameyî kiştiş. Herana da zanayîş ke nê hûmarî, ê yê ke ameyê tesdîqkerdiş yê; hûmara raştkêne ya şîdet û qetilkerdişî welat de nê hûmaran ra zaf zêde ya.

Teberê qetilkerdişê cinîyan de, Herana tewr tay 93 halê şîdetê giranÎ zî qeyd kerdî. Nê wina yê:

63 tecawuz û hêrişê cinsî,

11 derbkerdiş,

9 şîdetê zereyê keyeyî,

1 xoveşnayîş

1 xokiştene.

Rêxistine da zanayîş ke sebebanê sey edetanê komelkîyan, zextê keyeyî û çinbîyayîşê mekanîzmayêka asayîşî ya seba muracatî ra, zafê halê şîdetî nênê qeydkerdiş.