Varvatoxa Wezaretê Karanê Teberî ya Rûsya Marîa Zaharovaye da zanayîş ke Rûsya de nezdîya 50 hezar Kurdî cuwîyenê û mabênê înan Herêma Kurdîstanî dir baş o.
Na eşkerayîye, dima ke Serekê Rûsya Putînî nîşanê dewlete da Profesorê Kurdî Reşad Mîranî, amey dayîş.
Varvatoxa Wezaretê Karanê Teberî ya Rûsya Marîa Zaharovaye, kombîyayîşê çapemenîye de wina va: "Rûsya de nezdîya 50 hezar Kurdî cuwîyenê. Ez zafê înan ê ke welatê ma de cuwîyenê, şexsen nas kena."
Putînî ra Profesorê Kurdî rê "Medalyaya Puşkînî"
Kombîyayîşê çapemenîye de, behsê merasîmê ke Serekê Rûsya Vladîmîr Putînî 4ê Teşrîne de Kremlîn de viraştbî zî bi. Zaharovaye ard vîr ke, Putînî no merasîm de "Medalyaya Puşkînî" daya sosyolog û kulturzanayo namdar o Kurd Prof. Dr. Reşad Mîranî.
