ZAZAKÎ NEWS - Yewîtîya Heskerdoxanê Kurdî, 1ê Adare roja Yewşemeyî saete 13.30 de Keyeyê Mamostayan ê Amedî de panelêk bi nameyê “Ziwanê Kurdkî û Perwerde” organîze kena.
Panel de akademîsyen, nuştox, huqûqnas û cigêrayoxê namdarî do babetanê cîya-cîyayan ê derheqê ziwan û edebîyatê Kurdkî, dersanê weçînayeyan û rewşa huqûqî ya ziwanî ser o qisey bikerê.
Beşdar û babetê panelî
Panelo ke do tede bi Zazakî, Kurmancî û bi Tirkî teblîxî bêrê pêşkêşkerdiş, qiseykerdoxî û babetê înan wina yê:
Roşan Lezgîn: Ziwan û Edebîyatê Kurdkî (Zazakî)
Awûqat Bîlal Zîlan: Hetê Huqûqî ra Rewşa Kurdkî û Dersê Weçînayeyî (Zazakî)
Doç. Dr. Zilkîf Ergun: Ziwan û Edebîyatê Kurdkî (Kurmancî)
Dr. Şêxmûs Kûrt: Perwerdeyo Bi Kurdkî û Dersê Weçînayeyî (Kurmancî)
Reha Ruhavîoglu (Dîrektorê Merkezê Xebatanê Kurdan): Rewşa Kurdkî (Tirkî)
Panel do Salona Konferansî ya Keyeyê Mamostayan ê Amedî (Diyarbakır Öğretmenevi) de bêro tertîpkerdiş.
