ZAZAKÎ NEWS - Boksora Dêrsimije ya şampîyona Ewropa û Dinya Erîvan Barute, konferanso ke mektebê aye yo verên (o ke ci ra mezun bîya) de ame organîzekerdene de, bi wendekaran reyde ameye têlewe.
Programo ke wendekaran eleqeyêko pîl mojna ci de Barute behsê senî dest bi karîyerê sporî kerd, rastê kamcîn zehmetîyan ameya û serkewtişanê ke dest vista kerd.
Barute îfade kerd ke spor têna faalîyetêko fîzîkî nîyo, eynî wext de averberdişê karakterê merdimî de zî rolêko muhîm kay keno. Aye cîwanan ra waşt ke bi cad û sebir bixebtê. Sporvana mîlî bale ante serê dîsîplînê xebate û hedefan û wendekaran rê tewsîye kerd ke qet fek xeyalanê xo ra vera nêdê.
Peynîya konferansî de Barute wendekaran reyde fotografî antî û va, "Wextêk ez zî nê sirayan de niştêne ro, ewro tîya de qiseykerdiş seba mi şeref o."
