ZAZAKÎ NEWS - Ajansê Xeberan ê Tesnîmî, eşkera kerd ke 7 fermandarê bînî yê berzî hêrişan de kişîyayê.
Fermandarê ke ameyî kiştiş
Goreyê eşkerayîye, kesê ke ameyê kiştiş nê yê:
1. Mihemed Şîrazî: Sekreterê Pêroyî yê Ofîsê Rayberê Îranî Elî Xameneyî.
2. Ekber Îbrahîmzade: Hetkarê Şîrazî.
3. Muhsînî Mutleq: Serekê Dayîreyê Plan û Operasyonan ê Serekîya Operasyonan ê Serekîya Pêroyî ya Leşkerî.
4. Salih Esedî: Hetkarê Serekê Îstîxbaratî yê Serekîya Pêroyî ya Leşkerî.
5. Xulamreza Rezaiyan: Serekê Rêxistina Îstîxbaratê Hêzê Ewleyîye.
6. Hesen Elî Tacîk: Serekê Dayîreyê Amadeyîye yê Serekîya Pêroyî ya Leşkerî.
7. Muhsîn Derebaxî: Hetkarê Serekê Amadeyîye û Lojîstîkî yê Hêzanê Çekdaran.
Serekê Pêroyî yê Leşkerî û Fermandarê Pasdaran zî ameybî kiştene
Hêzanê Çekdaran ê Îranî eşkerayîya xo ya vizêrîne de da zanayîş ke wextê kombîyayîşê Encûmenê Pawitişî de hêriş ameyo kerdiş.
Netîceya ê hêrişî de; Serekê Pêroyî yê Leşkerî Ebdulrehîm Mûsewî, Fermandarê Pêroyî yê Artêşa Pasdaran Mihemed Pakpûr, Sekreterê Pêroyî yê Encûmenê Pawitişî Elî Şemxanî û Berpirsîyarê Paştîdayîşê Lojîstîkî yê Hêzanê Çekdaran Ezîz Nasirzade zî ameybî kiştiş.
Hêrişê Amerîka û Îsraîlî
Îsraîl û Amerîka 28ê Sibate de dest bi hêrişê leşkerî yê vera Îranî kerdbi. Îranî zî cewab da û hêrişê tayê hedefanê Îsraîlî û welatanê herême kerd. Bi taybetî Qeter, Mîreyîyê Ereban ê Yewbîyayeyan (Îmarat) û Behreyn ê ke baregehê Amerîka tede estê, bîyî hedef.
Heyva Sora Îranî vat ke bombardûmananê vera Îranî de 201 kesî merdê û 747 kesî zî birîndar bîyê.
