ZAZAKÎ NEWS – Fînalê Kupaya Dinya ya FIFA 2026î de Îspanya û Arjantîn, Stadyumê New York New Jerseyî de ameyî têver.
Wexto normal ê maçê fînalî bêgol qedîya. Her di taximan zî fersendê ke kewtî înan dest nêeşkayî bişuxulnê û şampîyon, deqeyanê wextê zêdekerdeyî de dîyar bî.
Deqeya 90+3. ya maçî de kaykerdoxê Arjantînî Enzo Fernández karto sûr dî û taximê xo 10 kes verda.
Golo ke ameyêne pawitene, deqeya 106. de ame. Bi eştîşê golo ke Ferran Torresî eşt, Îspanya 1-0 ravêr kewte.
Deqeyanê mendeyan de golo bîn nêame eştîş û Îspanya, Arjantîn 1-0 meğlub kerd û bîye şampîyonê Kupaya Dinya ya FIFA 2026î.
Îspanya, bi golo ke wextê zêdekerdeyî de ame, kupaya tewr pîle ya futbola dinya berde muzeyê xo; Arjantînî zî fînal bi 10 kesan qedîna.
