ZAZAKÎ NEWS – Şaristanê Dêrsimî de, cinîyêke 6 serrî yo ke nanê tîrî pewjena û bi no qayde debara keyeyê xo kena. Medîna vana ke, a roje 10 saete firinê xo de kar kena, nan pewjena û dima ra dikanan rê vila kena.
Firinê xo yê 40 metreqareyî de nanê tîrî yê kurdewarî pewjena, roşena ke pê debara keyeyê xo bikero.
Medîna vana ke, pewtişê nanî karêko zehmet o, semedo ke mêrdeyê aye astengdar o û nêeşkeno bixebitîyo a mecbûr a ke karê nanpewtişî bikera.
Medîna ke 6 serrî yo nê dikanê xo yê qijî de nanê tîrî pewjena, da zanayîş ke mêrdeyê aye verê cû nêwaştêne ke a karê nanpewtişî bikero.
La aye bi israrê xo dest bi nê karî kerdo û cinîyan rê pêşnîyaz kena ke wa bibê wayîrê karê xo û muhtacê tu kesî nêbê.
Medîna da zanayîş ke a bi nê karê xo debara 5 keyeyan kena û plan kena ke rojanê ameyeyoxan de karê xo hîra bikero û karkeranê cinîyan hîna zêde bigîro kar.
