Polîs Îsmaîl Tarhano ke Colemêrg de wezîfe de bi, seba nêweşîya xo ya cîgere, 5ê Teşrîna Peyêne de sewqê Nêweşxaneyê Fakulte bibi. Tarhan 6ê Teşrîna Peyêne de bê destûrê doxtoran nêweşxane ra remabi.
Keyeyê Tarhanî, ke nêeşkabi xeberêke ci ra bigîro, muracatê Merkezê Polîsan ê Çarşî kerdbi. Seba vînayîşê polîsê vîndîbîyayeyî çend rojîyo ke xebata gêrayîşî dewam kerdêne.
Ekîban, derûdorê nêweşxaneyî, Royê Dîcle û goletanê herême de xebatêka hîraye ya cîgêrayîşî kerd. Netîceyê nê xebatan de, cesedê polîs Îsmaîl Tarhanî nêzdîyê Çemê Dîcle de ame vînayîş.
Cenazeyê Tarhanî, cigêrayîşo ke do cayê hedîse de virazîyo ra dima, seba kar û baranê otopsî do bêro şawitiş Sazgehê Tibê Edlî yê Dîyarbekirî.
Derheqê weqea de cîgêrayîş ame destpêkerdene.
