Kitabo ke behsê ciwîyayîşê zindanan ê cinîyan keno, hetê nuştoxanê xo ra do 15ê Teşrîna Peyêne de ÇandAmed de bêro îmzakerdiş.
Kitabo bi nameyê "Zîndanan de Estanekê Cinîyan", yo ke bi hîs, fikir û keda cinîyanê azadîwazan ameyo nuştiş, bi yew roja îmza reseno wendoxan.
Roja îmza do roja şeme, 15ê Teşrîna Peyêne 2025 de, saete 14:00 de, Merkezê Kulturî yê Sezaî Karakoçî (ÇandAmed) de qata 4. de virazîyo.
Çalakîye de, nuştoxê kitabî Mizgîn Ronake, Rojbîn Perîşane, Salîha Aydenîze û Gulser Yildirime do kitabanê xo seba wendoxan îmza bikerê.
Moderatorîya programî zî do hetê Roza Metîna ra bêra kerdene.
Organîzatoran seba roja îmza veng da heme heskerdoxanê kitaban û vat, "Ma pabeyê kitabehezan ê."
