Hedîse, qezaya Peyasî, Mehlaya Baxcilarî de qewimîya.
Goreyê agahîyanê ke ameyê girewtiş, Yunus Atabeyo (48) ke weniştêne wesayîtê xo, hetê kesanê nênasan ra raştê hêrîşê çekdarî ame.
Bi xeberdayîşî ser, ekîbê weşîye yê lezabezî yê 112î û polîsî ameyî cayê bîyayîşî.
Yunus Atabe cayê bîyayîşî de merd.
Cenazeyê Atabeyî, seba kar û baranê otopsî şawîya morg.
Derheqê hedîse de cîgêrayîşêko hîra dîya dest pêkerdiş.
