ZAZAKÎ NEWS – Qeza, mewkîyê dewa Lîçîkî (Kızılçubuk) ya qezaya Kanîreşî de ame meydan. Goreyê agahîyanê ke amey girewtiş, şoforî kontrolê dîreksîyonî vîndî kerd û tankerê awe yo qeldîya. Qeza de 2 kesî birîndar bîyî. Bi xabarwesnayîşî ser o ekîbê weşîye û asayîşî amey cayê qewimyayîşî. Birîndarî bi ambûlansan wedarîyay nêweşxane û amey dermankerdiş.
Ömer Faruk Özçelîko ke giran birîndar bi, nêweşxane de bi pêro mudaxaleyan zî nêxelesîya û weşîya xo vîndî kerde.
Derheqê qeza de tehqîqato ke ame dest pêkerdiş dewam keno.
