ZAZAKÎ NEWS - Ame zanayîş ke, Dayîka Şemeyî Emîne Ocak (86 serre), a ke sembolanê xoverodayîşê edaletî ra yew a, beşa xizmetê giranî (sekerat) de ya. Keynaya aye Maside Ocaxe, hesabê xo yê medya komelkî ser o eşkere kerd ke halê weşîya dayîka aye cîddî yo.
Ame vatene ke Emîne Ocaxe, 20ê Hezîrane de semedê nefesbiryayîşî ra krîzê zerrîye vîyarnayo û qeılbê aye vindert. Dima ke lezabez amê erşawîya nêweşxane, beşa xizmetê giranî de gêrîya binê tedawî.
Emîne Ocak, dadîya Hasan Ocak o ke serra 1995î de wexto ke destbendkerde bi, ame bi vîndîkerdene. A, a roje ra nata, 29 serrî yo ke seba vînayîşê cenazeya lajê xo û seba edaletî meydanê Galatasarayî de ya û her ca de bêveng mucadeleyê xo kena.