Verê weçînayîşê 31ê Adare her çiqas zî Qayûm mîyanê şaristanî de leze daya xebata xo ya maqyajkerdişî zî zaf cayanê şaristanî de çopî erzîyenî nat-wet û ê çopî bi rojan uca ra nênê arêdayîş.
Dekewtişê Dîyarbekirî, rayîrê Riha ser o mintiqaya semtê Otogarî de çopî ke hetê esnafanê Sîteya Sanayî ya hîrêyîne ra yenê rişnayîş bi rojan kişta rayîrî de manenê.
Çopê esnafanê Sîteya Sanayî ya hîrêyîne ke erzîyenê kişta rayîrî benê sebebê nêweşîyan zî. Şaro ke verê çopî ra vêreno bi mecbûrî fek û zinca xo pê destê xo qefilnenê.
Welatî Huseyîn Duman o ke her wextê şanî uca ra vêreno û şino keyeyê xo vano ke “Tim tîya de çop esto. Ez her roj tîya ra vêrena. Heyf o! Qey nêeşkenê yew Konternır tîya de ronê û bi nîzamî nê çopî tîya ra bigîrê.”
Welatîyê bînî zî wazenê wa Beledîya o neqew de Konteynır rono û her roj ê çopî uca ra wedaro.
Esnafî zî wazenê wa Beledîya Konteynır rono ke wa çopanê xo beierzê ci.
Enwer Yılmaz / Zazakî News
