Demirtaş û Mızraklî, mesajê xo de da zanayîş ke no prose seba wextê ameyoxî yê Tirkîya wayîrê muhîmîyêka tarîxî ya û vatî: "No proses, prosesê parçekerdişî, cîyabîyayîşî yan zî proseyê 'bigîr-bide' yo ke giredîyayeyê bazarîyanê ercanan o nîyo."
Nê di nameyan, îzah kerdî ke armancê verên yê nê proseyî, bihêzkerdişê aramî, refah û biratîya heştay û şeş mîlyon insanan o.
Demirtaş û Mızraklî, da zanayîş ke rexneyî û pêşniyarê ke seba nê proseyî yenê kerdene qîmetin ê û seba terefan vengdayîş kerd ke babete bi hawayêko "dîqqetdar, hîsger û cîddî" bigîrê dest.
Nê di nameyan da zanayîş ke gamê ke ameyî eştene û do bêrê eştene ganî verê reformanê neweyan akerê û ganî proses bi reformanê demokrasî, edalet, seypeyî û azadîye dewam bikero.
Demirtaş û Mızraklî, îfade kerd ke prosese pêrodayîşî çewres mîyanê çewres serran de birînê xorînî akerdî, û vatî ke ganî proses bê hesabê "serkewtiş" yan zî "vîndîkerdişî" bêro rayberdiş. Mîyanê mesajî de ame vatene: "Ganî ma dejanê xo pey de verdî, pîya destê yewbînî bigîrî û seba ameyoxî bixebitê."
Erdoğan, Bahçeli û Öcalanî rê sipas
Demirtaş û Mızraklî, serekkomar Recep Tayyip Erdoğan û Serekê Pêroyî yê MHPî Devlet Bahçelî yo ke mîyanê prosesê aştîye de îradeyê sîyasî moj rê, sipasîya xo kerd.
Nê di nameyan, sewbîna Abdullah Öcalan, Serekê TBMMî Numan Kurtulmuş, Serekê Pêroyî yê CHPî Özgür Özel û heme serek û temsîlkarê partîyanê sîyasî yê ke mîyanê nê proseyî de paştgîrî dayî, sipas kerd.
Mîyanê mesajî de seba Hemserekanê Pêroyî yê Partîya DEMî Tuncer Bakırhan û Tülay Hatimoğulları û azayanê Heyetê Îmralî zî sipasî ame kerdiş. Sırrı Süreyya Önder zî bi rehmet û mînetî ame bîranîş.
Demirtaş û Mızraklî, mesajê xo bi nê vatan qedênay: "Homay razo bo ji heme ey kesî yo ke paştî dano aştîye û dilopeka awe rasaneno nê adirî. Wa qanûno ke do vecyo seba xêrî (weşîye) bibo."