Serekê Pêroyî yê MHP’yî Devlet Bahçelî derheqê prosesê Aştî de Mudirê Pêroyî yê Ajansê Xeberan ê Millet rê qisey kerd. Devlet Bahçelî derheqê verkarê qanûnê çarçewa û îmzakerdişê verkarî de va ke a îmza yena manaya caardişê biratîya hezaran serran û vat ke 86 mîlyon welatijî û şarê Rojhelatê Mîyanên do tira îstîfade bikerê.
Devlet Bahçelîyî da zanayîş ke Hemserekê Pêroyî yê HDP’yî yo verên Selahattîn Demîrtaş ke Hepisxaneyê Edirne de girewte yo bi rayîrê avûkatan mîyanê têkilî de yo û Demîrtaşî reyde têkilîyêka ey a hole est a. Sewbîna Bahçelî serê eşkerayîyanê verênan zî reyna dîyar kerd ke ganî Demîrtaş agêro keyeyê xo, Ahmet Turk û Ahmet Ozer ê ke cayê înan de qeyûm ameyo tayînkerdene, agêrê serê karê xo û waşt ke Serekê PKK Abdullah Ocalan zî heqê hêvî ra îstîfade bikero.
Devlet Bahçelîyî îfade kerd ke amancê înan o yo ke aramî Tirkîya û herême bêra ca.
