Eşkerayîya ke Meydanê Seyîd Rizayî de amey dayene de vajîya ke, vera emperyalîzm, sîstemê ci û feqîrîye de mîrasê înan roja ma ya ewroyî roşnî keno.
Rayberanê têgêrayîşê şorişgêrî yê Tirkîya ra Denîz Gezmîş, Huseyîn Înan û Yusuf Aslan, serra 54îne ya qetilbîyayîşê xo de zaf bajaran de ameyî yad kerdene.
Teşkîlatê EMEPî yê Bajarê Dêrsimî zî merasîmê yadkerdişî viraşt. Yadkerdişo ke Parlamentera DEM Partî ya Dêrsimî Ayten Kordu û temsîlkaranê partîyanê sîyasîyan û rêxistinanê demokratîkan zî beşdarê ci bîyî, bînaya EMEPî ya bajarî ra ver bi Meydanê Seyîd Rizayî rayşîyayîş ame viraştene.
Rayşîyayîşo ke tede pankarta “Wa bîwîyo şoriş û sosyalîzm” ameybî akerdene de; sloganê “Yusuf, Huseyîn, Denîz; têkoşînê ma dewam keno, do dewam biko”, “Qatil ABD, Rojhelatê Mîyanênî ra def bo” û “Emperyalîstî, hemkarî; Fîloyê 6inî xo vîr ra mekerê” ameyî berz kerdene.