Dêrsim de bi vengdayîşê Platformê Dorûverî yê Munzurî protestoyêk ame viraştene û fealîyetê madenî û projeyê HESan ameyî protestokerdene. Hemsereka Pêroyî ya Partîya DEMî Tulay Hatîmogûllari, Wekîla Dêrsimî Aytene Kordu, Wekîlê CHP yê Bursa Orhan Saribalî û temsîlkarê partîyanê sîyasîyan û organizasyonanê cimatkîyan Kûçeyê Hunerî de ameyî pêser.
Xeylê şar û tede mayê ke Zazakî qisey kenê zî ameyî, labelê pêro pankartî bi Tirkî bî. Çalakîye de ke pankart û sloganê Zazakî çinê bîy. Pankartê Tirkî dîyay deste mayanê Zazayan.
Zaf kesî vera ney hêrsê xo nişan day.
Kome, dima ke rayra şi, resa Meydanê Seyîd Rizayî. Eşkerayîya ke meydan de ameye dayene de, Hemseroka Pêroyî ya Partîya DEMî Hatîmogûllari da zanayene ke ê do vera texrîbkerdişê tebîetî de mucadeleyê xo bidomnê û wina va: “Ma maden nê, weşîye wazenê. Dişmenanê tebîetî rê rayîr çin o.”
Dima ke eşkerayîyî qedîya, çalakîye bi konserêkê muzîkî peynîye bîy.