ZAZAKÎ NEWS - Êlih (Batman) de kênayêka cîwane pîyê xo yo ke ey reyde munaqeşe kerdêne, bi demança kişt û dima ra amey dest bendkerdene.
Goreyê îddîayan, R.D.yo 41 serre ke Mehleya Saglikî de ciwîyayêne, wextê şewe bi sebebêko ke hema nêzanîyeno, kênaya xo M.D. (18) reyde munaqeşe kerd.
Dima ke munaqeşe giran bi, M.D.ye bi demança pîyê xo kişt.
Serê îxbarê welatîyanê ke vengê çekî eşnawit, ekîbê Weşîya Lezgîne ya 112î û polîsî ameyî şawitene cayê hedîseyî.
Ekîbanê ke kewtî zereyê keyeyî, kontrolê ke kerdî de ame tesbîtkerdene ke R.D.yo ke bi çekê xo ameyo pirodayene, weşîya xo vîndî kerda (merdo).
Polîsan şikdare M.D.ye destbend kerde.
