ZAZAKÎ NEWS – Hadîse, yew restoranto ke Caddeyê Cumhuriyetî ser o yo, tede ame meydan. Goreyê malumatê ke ameyo girewtene, şexso ke nameyê ey H.T. bi ameyo restoranto ke verî ey o bi, bi demance hêriş kerd wayîranê neweyan ê restorantî H.Ç. û A.B.
Wextê hêrişî de, bi mudaxeleyê yew polîso ke restorant de bi, hêrişker ame vindarnayene û ame girewtene.
Xeberdayîş ser o, ekîbê polîsan û weşîye ameyî cayê hadîseyî. Birîndarê ke ekîbanê weşîye cayê hadîseyî de mudaxeleyo verên kerd, bi ambûlansan erşawîyay nêweşxane.
Wayîrê restorantî H.Ç. yo ke giran birîndar bibi, nêweşxane de herçiqas mudaxele ame kerdene zî nêxelesîya û wefat kerd. Ame musayene ke rewşa A.B. zî giran a û tedawîya ey dewam kena.
Ekîbanê polîsan derheqê hadîseyî de tehqîqat da destpêkerdene.
