Hemşaredarê Bajarê Girdî yê Amedî Serra Bucak û Dogan Hatunî deyno ke qeyûman peyê xo de verda eşkere kerd. Hemşaredaran da zanayîş ke deynê pêroyî û yê DÎSKÎ’yî pîya 3 milyar û 345 milyon TL o û semedê tespîtkerdişê deynanê bînan xebata înan zî dewam kena.
Hemşaredarê Bajarê Girdî yê Amedî Serra Bucak û Dogan Hatun, ewro Dîyarbekir de Sumer Parke de bi rojnamegeran dir kombîyayîşê çapemenî kerd.
Hemşaredare Serra Bucak sere de qisey kerd û va, “Mabênê 8 serranê peyênan de şaredariya ma û heme xebatê ma sere de çapemenî, heme hetanê bajarî ra padaye bî. Ma do nika ra tepîya heme beranê şaredarî çapemenî û heme dînamîganê bajarî rê abikerê.”
Deynê Şaredarî aşkere kerd
Bucake badê zî deynê şaredarî yo ke qeyûman peyê xo de verdayo aşkere kerd û wîna va "Goreyê tespîtanê ma 2 milyar û 438 milyon TL deynêşaredarîesto. Goreyê îhaleyê ke dewam kenê û deynê ke muhasebeyî de qeydkerdî yê deyn3 milyar û 640 milyon TL yo.”
Mal û milkê şaredarî rotê!
Doğan Hatunî zî badê derheqê mal û milkê şaredarî ke dezgeyanê bînan ê dewlete rê ameyê dewirkerdiş de zanayîş da û va “15 mal û milkê şaradrî mabênê 12û 28’ê adare de bi protokolêk ameyê dewrkerdiş. Ma do semedê înan hem hetê îdarî û hem hetê hiqûqî ra dewa akerê."
Badê kombîyayîşî rojamegeran hemşaredaran ra persî persayî û kombîyayîş qedîya.
Enwer Yılmaz /Zazakî News
