ZAZAKÎ NEWS - Mehkemeya 7. ya Cezaya Girane ya Amedî, 2 serrî cezaya hepisî û 96 hezar û 360 TL cezaya pereyan da Yavuz Koç. Vejîya orte ke ey 12 serran bi dîplomayêka sexte melatîye kerda. Qerarê mehkeme, seba ke sûcdar nêame vînayîş, Rojnameyê Fermî de ame weşanayîş.
No skandal hetê rojnameger Murat Agirelî ra ame parekerdiş.
Agirelî, yew parekerdişê xo yê medyaya sosyale de va, "Kesî 12 serran ferq nêkerd. Ey 12 serran meaş girewt, vejîya kursî ser û xutbe da. Nika mehkeme Rojnameyê Fermî ra veng dana."
Goreyê qerarê mehkeme, Koçî bi dîplomayêka sexte ya Lîseya Îmam Hatîpî sey mela dest bi karî kerdo.
Dima ra, dîplomaya ke ey Fakulteya Îlahîyatî ya Perwerdeyê Akerdeyî ra girewta, dayo sazîya xo û karîyerê xo domnayo.
Dewaya ke sucê "sextekerdişê belgeyanê fermîyan" ra amebî akerdiş, seba ke dîploma reya verêne serra 2009î de amebî noterkerdiş û wextvîyartîşê 12 serran temam bîyo, amey betalkerdiş.
Goreyo ke ame zanayîş, melayî Dîyarbekir de wazîfe kedo.