ZAZAKÎ NEWS - Hukmatê demkî ya Sûrîye, badê ke Şam û Parîs de kombîyayîşê krîtîkî kerdî, dest ci kerd ke cayanê ke ke binê kontrolê Hêzanê Sûrîyeya Demokratîke (QSD/HSD) de bîy, rê hêriş kerd.
Goreyê malumatanê ajansê Reutersî, Amerîka vernîya nê "operasyonî" nêgirewt; aksê ci, seba nê prosesî zemîn amade kerd.
Nê prosesî 6ê Kanûna Paşîn (Çele) de bi hêrişanê Artêşa Ereban a Sûrîye û grûbanê çekdaran ê vera di mehleyanê Kurdan ê Helebî dest pêkerd. Dima ke Wezaretê Pawitişî yê Sûrîye herêmê binê kontrolê QSDyî sey "herêma şerî" îlan kerd, averşîyayîş vîyart merheleyêka newîye.
Dima ra, hêzanê pabesteyê Şamî verê xo daY HSDyî. HSD mîyanê 48 saetan de rojawanê Çemê Feratî ra xo peyser ant. Artêşa Sûrîye û grûbanê çekdaran Reqa û Dêrazor û xeta Qamişlo û Kobanî zî tede, zafanîya herêmanê ke binê kontrolê Kurdan de bî girewtî. Kurdan vera nê hedîseyan, semedo ke "paştî daya înan". Amerîka sûcdar kerd.
Pa adirbestê 18ê Çeleyî, vajîyeno ke pêrodayîşî dormeyê Reqa, Kobanî û Hisîçayî de dewam kenê.
Gelo no proses senî aver şi û Amerîka senî paştî da hemkarê xo yo en muhîm ê şerê vera DAÎŞî? Ajansê Reutersî dîplomasîya peyê beranê girewteyan eşkera kerd.
Kombîyayîşê Parîsî
Nuqteya vurnayîşî ya nê prosesî 5ê Kanûne, zîrveyê asayîşî yê Parîsî bi ke rayedarê Îsraîl û Amerîka zî tewrê ci bibîy.
Goreyê Reutersî, heyeta Sûrîye nê kombîyayîşî de da zanayîş ke ê wazenê "operasyonêko sînorkerde" vera herêmanê HSDyî bikerê û rastê tu razîêbîyayîşê Îsraîl yan zî Amerîka nêameyî.
Rayedarêkê Sûrîyeyijî îfade kerd ke mesajo ke Tirkîya ra ameyo û tede ameyêne vatene "Heta ke sîvîlê Kurdî bêrê pawitiş Washington do operasyonî tesdîq bikero".
Sîyasetmedara Kurde Hedîye Yusifê na rewşe ser o wîna va: "Pêkerdişê Parîsî seba nê şerî çilaya keske bi."
Kombîyayîşê Hewlêrî: "Hemkarê ma yo newe Ehmed Şer o"
Wexto ke grûbê pabesteyê Şamî ver bi herêmanê Rayberdoxîya Xosere şîyêne, 17ê Çeleyî de Herêma Kurdîstanî de pêvînayîşêko krîtîk ame viraştiş.
Ame îddîakerdiş ke Temsîlkarê Amerîka yê Kar û Baranê Sûrîye Tom Barrack bi Fermandarê Pêroyî yê HSDyî Mazlum Ebdî reyde kombîyayîş viraşto û rasterast ey rê vato: "Menfiatê Amerîka êdî HSDyî reyde nê, hukmatê Şerî reyde yo."
Herçiqas ke HSDyî no malumat red kerdbî zî, çimeyê dîplomatîkî vanê ke Washingtonî paştîdayîşê xo yê seba hemkarê xo yê verênî a roje birnayo.
Gameyê tehlukeyinî yê Ehmed Şerî
Hêzanê hukmatê Sûrîye sinorê "operasyonê sînorkerde" vîyarna û herêmê ke Erebî tede ciwîyenê (Reqa û Dêrazor) bê xoverdayîşêk girewtî û verê xo da bajaranê Kurdan.
19ê Çeleyî de binpaykerdişê adirbestî hetê hêzanê Şamî ra, Washington de bi sebebê hêrs û qerqilîyayîşê seba qetlîamê sîvîlan. Goreyê çimeyanê Amerîkayijan, endamê Kongreyî wextê dewamkerdişê şerî de caardişê cezayan ser o kom bîyî.
Dima adirbestê Ehmed Şerî, Temsîlkarê Amerîka Tom Barrackî derheqê ameyoxê HSDyî de eşkerayî da.
Barrackî îzah kerd ke wezîfeyê HSDyî yê sey hêzêkê vera DAÎŞî "qedîyayo" û firsendo tewr pîl ê Kurdan tewrbîyayîşê hukmatê neweyî yê Ehmed Şerî de yo.
Şîrovedarî vanê, Ehmed Şer ke verê cû serekê şubeyê El Qaîde yê herême bi, wextê Donald Trumpî de bîyo hemkarê Amerîka û serkewtişêko stratejîk bi dest visto.