Çarçiweya proseyê çareserîye de qanûnê çarçiwe yo bi diwês maddan ke 10ê Tebaxe de Meclîsê Pêroyî yê TBMMî de bi reyanê çar sey û şeştî û hewt wekîlan ame qebulkerdiş; pêvînayîşo krîtîk Kullîyeya Serekkomarîye de ame kerd.
Serekkomar û Serekê Pêroyî yê AK Partî Recep Tayyip Erdoğan, endamê heyetê Îmralî yê Partîya DEMî Pervin Buldan û Mithat Sancar qebul kerdî. Pêvînayîş de Serekê MİTî İbrahim Kalın û hetkarê Serekê Pêroyî yê AK Partîye Efkan Ala zî ca girewt.
Heyet seate 15.20 de Meclîs de şibi Kullîye, pêvînayîş teqriben yew seat û çewres deqîqeyî ramit. Partîya DEMî da zanayîş ke derheqê pêvînayîşî de do beyanatêko nuştekî dima bêro dayîş.