Namzedê Partîya Saadetî yê Beledîyeya Dîyarbekirî û tornê Şêx Seîdî ewro Dîyarbekir Amida Haber de zîyaret kerd û derheqe xizmetanê xo ke do bikero de qisey kerd.
Tornê Şêx Seîdî, namzedê Partîya Saadetî yê Beledîyeya Bajarê Girdî ya Dîyarbekirî Muhammed Sabır Fırat vano; Eke ez bêra weçînitiş, cayo ke Şêx Seîd û hevalê ey ameyê derfinkerdiş bikerî goristan.
Namzedê Partîya Saadetî yê Beledîyeya Bajarê Girdî ya Dîyarbekirî Muhammed Sabır Fırat derheqê deynanê Beledîye de zî va; Eke ma bêrê sere pereyê Beledîye do nêşirê cayêko bîn. Ma nê rojanê peyênan de şahad benê ke Qeyûm erdanê Beledîye roşeno. No eyb o. Ma do vernîya nê çîyan bigîrê. Eke îdarekarî durist bê heskerdiş û weşîye yena şaristan.” dedi.
‘Ez do semedê Kurdkî 500 mamosteyan tayîn bikerî’
Firatî aşkere kerd ke, şar sey verî wayîrê ziwanê xo nêvejîyeno, çew sey verî ziwanê xo qisey nêkeno, eke o bêro sere kursan û kreşan akero 500 mamoste bigîro beledîye”
‘Ma do semedê Şêx Seîd û embazanê ey goristan virazê’
Fıratî derheqê kalikê xo Şêx Seîdî zî kerd û wîna dewan kerd. “98 serrîyo kem a pawenê ke wa cayê mezelê Şêx Seîdî û 46 embazanê ey aşkere bibo. Çi heyf ke hetanî nika encamêk nêameyo girewtiş. Mewzuatê Beledîyeyan de vraştiş û akerdişê mezelan esto. Ma do cayê mezelê Şêx Seîdî û embazanê înan ca bike û semedê înan goristanêk virazê.”
Çime: Amida Haber
