Serekkomarê Fransa Emmanuel Macron û Serekkomarê demkî yê Sûrîye Ehmed Şer telefon de qisey kerd. Fransa veng da hetan ke mehleyanê Kurdan ê Helebî Şêx Meqsûd û Eşrefîye de adirbest îlan bikerê.
Wezaretê Karanê Teberî yê Fransa derheqê rewşa Helebî û pêvînayîşê telefonî de eşkerayîyêke da. Fransa da zanayîş ke ê bi qerqilîyayîş rewşa mehleyanê Şêx Meqsûd û Eşrefîye yê Helebî teqîb kenê. Parîsî hêrişê vera sîvîlan şermezar kerd û waştişê adirbestêko lezgîn kerd.
Ehmed Şer: Kurdî şirîkê esasî yê
Hetê bînî ra, Serekkomarîya Sûrîye zî derheqê muhtewaya pêvînayîşê Emmanuel Macron û Serekkomarê Demkî yê Sûrîye Ehmed Şerî de eşkerayîyêke weşana.
Goreyê eşkerayîye, Ehmed Şerî Macronî rê vato ke ê kenê ke wa Haleb de aşitî bêra ca. Ehmed Şerî pêvînayîş de behsê Kurdan kerdo û wina vato:
"Dewlete do pêro hetan bipawo, sere de zî Kurdan. Kurdî şirîkê esasî yê Surîye yê."
