Sazîya Hewayî da zanayîş ke dereceyê germîye do 2 heta 4 dereceyan bikewo û seba çend bajaran hişyarîya varanî û vewre da.
Metorolojîya Tirkîya eşkera kerd ke dereceye germîye do 2 heta 4 dereceyan bikewo û seba çend bajaran hişyarîya varanê xidarî da.
Goreyê eşkerayîya Meterolojî, roja îne bajaranê Amed, Çewlîg û Sêwazî de hewa do serd bibo û varan bivaro.
Onca cayanê berzan ê herêma Serhedî de zî do vewre bivaro.
Sazîye seba bajaranê Sêwaz, Nîgde, Qeyserî, Samsun, Gîresûn û Orduyî hişyarîya varanê xidarî û tehlukeyê laserî da da.
Ame waştene ke şar vera rewşanê nêbaşan de tedbîranê hewceyan bigîro.