ZAZAKÎ NEWS – Heyeto ke mîyanê ci de Hemserekê Pêroyî yê Partîya Herêman a Demokratîke (DBP) Keskîn Bayindir û Çîğdem Kiliçgun Uçar û Hemserekê Pêroyî yê Partîya Seypeyî û Demokrasî ya Şaran (DEM Partî) Tuncer Bakirhanî estê, şî Herêma Kurdîstanî. Hemvengdara Însîyatîfê Yewîya Demokratîke û Parlamentera Wanî Gulcan Kaçmaz Sayyîgît zî mîyanê heyetî de ca gena. Heyetê DBP û DEM Partî, do tewrê Konferansê Îttîfaqê Sosyal Demokratîkî yê Dinyaya Ereban o ke Silêmanî de virazîyeno, bibo.
Goreyê xebera Kanal 8î; konferans dest pêkerdo. 21 welatan ra serekdewletî, lîderê sîyasî û sîyasetmedarî tewrê konferansî bîyî. Konferans do 30ê Tebaxe de biqedîyo.
Konferans de, babeta herêmî û mîyanneteweyî do bêrê qiseykerdiş û xeylê panelî do bêrê dayîş. Serekê Yewîya Welatperweran a Kurdîstanî (YNK) Bafel Celal Talabanî serekîya konferansî keno û Serekdewletê Iraqî Evdilletîf Reşîd zî tewrê konferansî bi.
