Özel, sey Hemserekê CHPyî yo weçînayeyî seba reya peyêne kombîyayîşê grubî de qisey kerd û CHP ra xatir waşt.
Seba ke paştgîrî bidê Özelî, 80 wekîlê CHPyî ameyî salon. Özgür Özelî behsê mucadeleyê huquqî yê mîyanê partîye kerd û va ke "her peynîyêke yew destpêkerdiş o" û kewt salon.
Özelî wina va: “Ewro bi hîsanê cîya-cîyayan, belkî zî bi xemgînîya xatiro wextê ci ameyo, ez veciyaya serê nê kursî” û da zanayîş ke prosesê ke teşrîna peyêne ya serra 2023î ra nat qewmîyayo, do sey dewrêko muhîm bikewo tarîxê sîyasî yê Tirkîya.
Özelî qiseyanê xo rê wina dewam kerd: “Heme çî qedîyo zî, ma tu wext tu çî xo vîr ra nêkenî. Tarîx do binuso ke ewro kam ça de vindert.
Özelî da zanayîş ke na vurnayîş tena bi nameyan nêbîyo û va: “A roje tena serekê pêroyî nêvuriya; mîyanê partîye û welatî de fikirê îdareyî zî vuriya. Dewrê fıkrê ke vatêne ‘do mecbur bêrê û vengan bîgîrê’ qedîya; dewrê fıkrê ke goş dano sokaqan, rêxistine û endaman dest pêkerd.”
Özelî operasyonê ke verba serekanê beledîyeyan de ameyî kerdış zî rexne kerdî û va ke nîyetê îktîdarî no yo ke CHPyî “bênamzed, bêkurum û bêserek” verdî.
