Muzur Can
zûrî cemheto
tayn kesî estî zaf zaf zûran kenî
cuwayîşî înan di cay zûran kujo verêndi
cayê xwu esto
înan rî bê zûran cuwayîş nêbeno:)
sey xalê şêro,
verî kar û xebata teberî zaf çinêbî
fabrîqa û înşaatî tayn yanzî kêmî bî,
şarî wesar amnan û payîzî
hêgayan di
rezan di
gurîyayni debir'êy xwu dekerdê zere
zimastanan zî şewî derg bî
yew keye di ameyni pêser cemhet kerdêni
(kurmancî vanî şevbêrk)
dengbêjan deyerî kerdênî
sey şakiro
mehme salihê beynatî
xet aşik (Hatip kantekin)
dengbêj xenî (xenoyê marq) marq dewa licê ya)
bi no hewa şew û zimistan vîyarnayni,
(Kuj cayo ki cemheton di extîyarî kokimî ruşenî
serê cemhetî ra vanî kuj)
Zûrî dewleto
sewbîna zûrkerî zî
cîranî qomê ma kurdan (kird'o) bî
nê cîranî ma
erebî
farisî
û tirkî
nê qewman zî tim o tim bi zûran ma xapênayî
zaf rey ma serewadartiş kerd
û lec kerd
zaf reyan zî ma seba yin
yewbîbînan reyde lec kerd
ma qismet hatê farisan bi tirkan ra
qismek zi seba tirkan bi farisan ra lec kerd
ma kurdan yewbînan kişt
la seba xwu nêy seba şarî bînan
ma sêkurî mendî
vîyayî mendî
seqet mendî
şaro aqil bi zûranî xwu
ma bi yewbîno dayî qetilkerdiş
ê istor'o weniştî şî qonaxan vîyarnayî
ma mendî peye,
zûrî sipî
bawakalî mi vatêni
zûran mekerê
La zûranê sipî yo bikê
ma vacî di dewan Lec kerd
çend kesî dirbetin bîyî
çend kesî remenî
dewa bîn zî ha înan fetelnena
ki bitepşî beno ki beynatê înan kiştiş vecîyo
ti zî ha hega di cit kenî
kesî ki remenî yenî to het ra şonî
verbi rocawo
ay bîn zî yenî to ra persenî
vanî çend kesî tîya ra remayni
kama kişt ra şî?
o wext mevacê şî rocawo
vacê şî kişta bîni
a bena zûri
la ay ra vanî zûra sipî
guneyî zûra sipî çiniya xeyrê ci esto,
homa ma zûrkeron ra bipawo:)
27/06/2026.
Munzur can...
