Kovara psîkolojî û perwerdeyî ya taybete ya bi Zazakî Psyche Mezg, bi hûmara xo ya 3. ya Hamnan-Payîz 2025î resa destê wendoxan. Kovara ke her şeş aşman ra reyêk weşanîyena, bi muhtewayê xo yo zengîn warê psîkolojîye de yew vengîyêk kena de.
Hûmara hîrêyîne ya kovare de, derheqê babetanê cîya bi cîya de meqale û reportajê muhîmî estê. Tayê babetê ke na hûmare de ca gênê wina yê:
Reportajêk derheqê Doktorê Rîşa Merdimwere Behrî Çakabayî de ke hetê Beytullah Ozdemîrî ra ameyo amadekerdene.
Nuşteyêko hîra derheqê Otîzmî de ke hetê Soraz Reştemî ra ameyo nuştene.
Meqaleya Dr. Azad Dîldar-Psîkîyatrîstî ya bi nameyê "Gede, Şer û Trawma".
Nuşteyê Mîrad Burtakuçînî "Trawmaya Komelî".
Beşo verên ê nuşteyê Zelale Gunduz "Evulosyonê Mezgî û Mîyanvejîyayê Homayan".
Nuşteyê bînî sey "TPR Çi yo?", "Perwerde û Terapî" û "Di Rey Sewbîna Bîyayene".
Kovare bi pêroyî babetanê sey otîzm, sendromê Downî, anksîyete û şîzofrenî ser o vindena û hem meqaleyanê orîjînalan hem zî açarnayîşan weşanena. Bi na hûmare, kovare resa hûmara xo ya hîrêyîne û seba wendoxanê ke warê psîkolojî û perwerdeyî rê eleqedar ê, bîya çimeyêko muhîm.