Qaymeqamiya qezaya Şîşlî yê Îstanbulî kayê tîyatroyî yo bi Kurdî “Qral û Travîs” qedexe kerd.
Goreyê programî, Koma Tîyatroyî Arê do vizêr saete 20:00a de Merkezê Kulturî yê Cemîl Candaşî yê Şîşlî de kayê bi nameyê “Qral û Travîs” pêşkêş bikerdêne.
Bahoz Ozsunarî yo ke kaykerdoxanê tîyatroyî ra yew o, hesabê xo yê Şano Arê ra aşkere kerd ke, Qaymeqamiya Şîşliyî kayê înan qedexe kerdo.
Naye ser o kaykerdoxê Tîyatroyî salona Tîyatroyî de ameyî pêser û reaksîyon nîşanê qedexekerdişê kayê tîyatroyî yo bi Kurdî day.
Kayê tîyatroyî yo bi Kurdî “Qral û Travîs” 10 ê Sibate de Entab û par Kanûna 17î de Agirî de amebi qedexekerdiş
