Na xebata pîle ya ke bi xebata serran a nuştoxî vejîyaya werte, derheqê 351 dewanê herême, dîyalogan û malumatanê tarîxîyan dana.
Kitabo ke pêro pîya 834 rîpelan ra yeno pê (cîldo 1. 434, cîldo 2. 400 rîpelan), sey yew rehberê coğrafya, wendoxî/e beno cayanê tewr dûran ê Çewlîgî.
Dewî, goreyê merkezan û qezayan ney, goreyê rojanê seyhatî yê ke nuştoxî viraştê, ameyê rêzkerdiş. Na xebate, wendoxî/e rojek bena Darahênî, roja bîne Xolxol, yewna roje Gêxî û Kanîreş. a.
Eser, tena malumatanê huşkan ra îbaret nîyo; dîyalogê ke Karasuyî şarê dewan dir viraştê, vîrameyîşê ey ê ke ciwîyayo...
Kitab, wendoxî sey ‘meymanêko demkîlm’ her dewe ra çarneno, eynî wext de rêçanê vîyarteyî zî hafiza de neqeşneno.
Xebata ke seba wendoxanê Çewlîgîjan bimana ya, tena malumatê derheqê dewa înan de nê, yew panorama ya û qalê 351 cayan kena.
Şima eşkenê senî peyda bikerî?
Ê ke wazenê kitabê Seyahatnameyê Çewlîgî bierînê, malumatanê îrtîbatî yê ke broşur ser o yê eşkenê xo biresnê nuştoxî. No esero di-cîldî, sey yew çimeyê nadîran ê ke cuya dewan a Çewlîgî sey belgeyan qeyd kenê, hem seba meraqdaranê tarîxê herême hem zî seba heskoxanê seyhatanê kulturî yew referansêk o.
