Ekîba Tîyatroyê Şehr-i Bingölî ke verê cû eserê sey "Hamlet" (Shakespeare), "Pawitişê Godotî" (Beckett) û "Cimrî" (Molière) bi Zazakî kay kerdbî, na rey klasîkê Sofoklesî "Antîgone" adapteyê Zazakî kerd.
Kay do 10ê Çileyî 2026 de hewa verêne perdeyê xo bikero a.
Trajedî û mizah pîya yê
Kayê Antîgone, behsê micadeleyê mabênê wîjdanê şexsî û otorîteya dewlete gêno. Antîgone seba ke cenazeya birayê xo defn bikero, mergî gena çimanê xo ver û vera dewlete vejîyena.
Ame zanayîş ke her çiqas esasê kayî trajedî bo zî, mizah û komedîyê herêmî zî tede estê.
Detayê kayî:
Tarîx: 10ê Çile 2026 (Şeme)
Saete: 18.30
Ca: Salona Konferansî ya Şaredarîya Çewlîgî
Derhêner: Yunus Çiftçi
Kaykerdoxî: İsmail Elhakan, Hakan Kaya, Suhat Sözer, Murat Kaya, Büşracan Kelbat, Salih Toprak, Ahmet Günce.
Sînora Emrî: 12+
Heq: 300 TL
Nuqteyê rotîşê bîlêtan:
Boston Cafe, Moda Dil Akademisi û Mefa Özel Eğitim Kurumu.