Çarçiweya tehqîqatê "Rêxistina Sûcî ya Ahbapan" ke hetê Serdozgerîya Cumhurîyetî ya Îstanbulî ra yeno rayberdiş, selahîyetê îdarekerdişî yê heme mal û milkê Komeleya Ahbapî teslîmê qeyûmê îdareyî ame kerdiş.
Hakimîya Cezayî ya Sulhî ya heştine ya Îstanbulî; seba îdarekerdişê mûlkanê nêgêrayoxan yê komeleyî, wesayîtan, paranê hesabanê banka û mal û milkanê bînan, qerar da ke Avukat Rıdvan Can, Avukat Mustafa Göktuğ Kaya û Prof. Dr. Ahmet Kasım Han sey qeyûm bêrî tayînkerdiş.
Qerar de ame dîya zanayîş ke awankerê komeleyî Haluk Levent û tayê azayê heyetê rayberdiş û sehnayîşî tewqîfkerde yê, derheqê tayê bînan de tedbîrê kontrolê adlîyî yenê bicaardene, serê hesaban û mal û mûlkanê komeleyî de tedbîr esto û proseyê feshkerdişî zî ameyo destpêkerdiş.